مسؤل إنتاج (ملابس) (Production Coordinator)

Industry: Premium Fashion Design & High-End E-commerce Retail Company

Our Client is a rapidly expanding premium design label and fashion company, factory and boutiques based in New Cairo. 

Renowned for its bespoke craftsmanship, contemporary designs, and direct-to-consumer e-commerce reach, the brand focuses on premium aesthetics, high-quality production, and tailored garment experiences.

Location: New Cairo, Egypt

عدد الوظايف المتاحه: ٢

إنت الحلقة الوصل اللي بتاخد فكرة التصميم المرسومة على الورق وتطلعها حتة لبس جاهزة تتباع على الويبسايت وفي الفروع. دورك مش مكنب وخالص، دورك كله حركة ومتابعة مع الورش والمصانع والموردين عشان تضمن الشغل طالع نضيف ومفيش قماشة أو سوستة تتأخر.

هتعمل إيه كل يوم؟

• نزول ومتابعة للورش والمصانع: هتقف على إيد أصحاب الورش، مصانع التجهيز، والمغاسل، وتزن عليهم عشان تستلم الشغل في الميعاد من غير تأخير.
• شراء وخامات وتوفير: هتنزل تشتري الأقمشة والاكسسوارات (Sourcing)، وتفاصل مع الموردين عشان تجيب أحسن خامة بأقل سعر، وتتابع دايماً المخزن إيه اللي ناقصه.
• فرز واستلام (QC): هتستلم الشغل وتفرزه حتة حتة؛ عينك لازم تلقط عيوب التقفيل، الخياطة، أو الألوان قبل ما اللبس يتكوى ويتغلف. مفيش حتة "ديفو" تعدي منك.
• تغذية الفروع والأونلاين: تظبط مواعيد تسليم القطع باليوم والساعة عشان نلحق نصور "الكوليكشن" الجديد ونزله على الويبسايت ونفرشه في المحلات في وقته.

المطلوب منك تكون:

• خبرة من سنه ل سنتين في تفاصيل إنتاج الملابس بالكامل من ورش ومصانع و موردين و كل مراحل الانتاج.
• بتعرف تتفاوض وتفاصيل وتجيب سعر كويس من الموردين، وعندك "عين بتلقط" جودة القماش والتقفيل الصح من أول نظرة.